ಸಣ್ಣ ತಾಯಮ್ಮನಿಗೆ ಸೂಟ್ಕೇಸ್ ಸಿಕ್ಕಿದ್ದು

ಒಮ್ಮೆ ನಮ್ಮ ಸಣ್ಣ ತಾಯಮ್ಮ ನಮ್ಮೂರಿನ ಕೆರೆಯ ತೂಬು ಗುಂಡಿಯ ಬಳಿ ಬಿಸಿಲ ಮಧ್ಯಾನ್ಹ ಬಟ್ಟೆ ಒಗೆಯುತ್ತಿದ್ದಳು. ಸುತ್ತಮುತ್ತ ಹಸಿರಾದ ಬತ್ತದ ಗದ್ದೆ ಅವಲೆದುರಿಗಿನ ಕೆರೆಯೇರಿ ಅದರ ಕೆಲಗಳ ರಸ್ತೆ ಇವಿಷ್ಟು ನಿರ್ಜನವಾಗಿದ್ದವು ಅವಳನ್ನು ಬಿಟ್ಟು. ಜಿಲ್ಲಾ ಕೇಂದ್ರದಿಂದ ಬಹಳ ದೂರವಿರುವ ನಮ್ಮೂರಿಗೆ ಆ ಕಾಲದಲ್ಲಿ ಅಷ್ಟೊಂದು ಬಸ್ಸುಗಲಾಗಲಿ ಸ್ಕೂತರ್ರು ಕಾರುಗಾಳಗಲಿ ಇರಲಿಲ್ಲ. ಆದರು ಆ ದಿನ ಬಿದರಕೋಟೆಯಾ ಅದೃಷ್ಟದ ಫಲವಾಗಿ ಆ ಕೆರೆಯ ದಾರಿಯಲ್ಲಿ ಇಬ್ಬರು ರಂದವರನ್ನು ಏರಿಕೊಂಡು ಸೊಳ್ಳೆ ಔಷಧಿ ಒಡೆಯುವ ಮಶೀನಿನಂತೆ ಸೀಮೆಯೇನ್ನೆಯುಕ್ತ ಹೋಗೆ ಉಗುಳುತ್ತ, ಕಿತ್ತು ಹೋದ ಅಕ್ಕಿಗಿರನಿಯ ಹಾಗೆ ಶಬ್ದ ಮಾಡುತ್ತಾ ಒಂದು ಚೇತಕ್ ಸ್ಕೂಟರ್ ಬಂತು. ಕವಚುಗತ್ತಿದ ತನ್ನ ಕಂಡು ಬಣ್ಣದ ಹಲ್ಲುಗಳನ್ನು ಬಿಟ್ಟುಕೊಂಡು, ಬಾಯೊಳಗೆ ಸ್ಕೂಟರ್ ಹೋಗೆ ಓಗಿದ್ದರೂಬಿಟ್ಟ ಬಾಯಿ ಬಿಟ್ಟ ಹಾಗೆ ಆ ಸ್ಕೂಟರನ್ನು ಪ್ರಪಂಚದ ೮ನೆ ಅದ್ಬುಟದ ಆಗೇ ನೋಡುತ್ತಾ, ಬರ್ರೆ ಒಗೆಯುವದನ್ನು ಮರೆತು ಹಾಗೆ ನಿಂತುಬಿಟ್ಟಳು.
ತತ್ಕ್ಷಣ ಆ ಸ್ಕೂಟರ್ ನಿಂದ "ಡಬ್" ಎಂದು ಸದ್ದಾಯಿತು. ಸ್ಕೂಟರ್ ನಿಂದ ಉಕ್ಕುತ್ತಿದ್ದ ಶಕತದಿಂದಾಗಿ ಅದೇನೆಂದು ತಕ್ಷಣ ಅವಳಿಗೆ ತಿಳಿಯಲಿಲ್ಲ. ಸ್ಕೂಟರ್ ನವರು ನಮ್ಮೂರಿನ "ಇಂಟರ್ನ್ಯಾಷನಲ್ ರಸ್ತೆಯಲ್ಲಿ"ಆಯಾ ತಪ್ಪಿ ಬಿದ್ದಿರಬಹುದೆಂಬ ಶಂಕೆಯಿಂದ, ಅವರಿಗೆ ಸಹಾಯ ಮಾಡುವ ಧಾವಂತದಿಂದ ಶಬ್ದ ಬಂದ ದಿಕ್ಕೆನೆಡೆಗೆ ತನ್ನ ಕೆಲಸ ಬಿಟ್ಟು, ಬಾಯಲ್ಲಿನ ಕಡ್ಡಿಪುಡಿ ಉಗಿಯುತ್ತಾ ಓಡಿದಳು.
ಅಷ್ಟು ಹತ್ತಿರ ಹೋದರು ಹೊಗೆಯಿಂದಾಗಿ ಸ್ಕೂಟರ್ ಕಾಣಲೇ ಇಲ್ಲ. ಆದರೆ ಅಕ್ಕಿ ಗಿರಣಿಯ ಶಬ್ದ ಕಿವಿಯಿಂದ ದೂರವಾಗುತ್ತಾ ಬಂತು. ಆದರು ಬಿದ್ದದ್ದು ಏನೆಂದು ತಿಳಿಯದೆ ತಲೆಯೊಳಗೆ ಉಳು ಬಿಟ್ಟುಕೊಂಡು ತನ್ನ ಕಾರ್ಯ ದಲ್ಲಿ ಮಗ್ನಲಾಗಲು ಹಿಂತಿರುಗಿ ಒಂದು ಹೆಜ್ಜೆಯಿತ್ತಲು. ಕಾಲಿಗೆ ಆ ಹೊಗೆಯೊಳಗೆ ಏನೋ ಯದವಿದಂತಾಯಿತು .
ಆ ಹೊಗೆಯಲ್ಲಿ ಯಾಕೆ ಎಡವಿದೆ ಎಂದು ತಿಳಿಯುವಷ್ಟರಲ್ಲಿ ಕೆಳಗೆ ಬಿದ್ದು ತನ್ನ ಮೇಲ್ದವಡೆಯ ೨ ಹಲ್ಲುಗಳನ್ನು ಕೆಟ್ಟ ರಸ್ತೆಗೆ ದಾನ ಕೊಟ್ಟಾಗಿತ್ತು. ಬಾಯಲ್ಲಿದ್ದ ಕಡ್ಡಿಪುಡಿ ಜೊತೆ ರಕ್ತವೂ ಸಹ ಸೇರಿ ಎರಡಕ್ಕೂ ವ್ಯತ್ಯಾಸ ತಿಲಿಯದಂತಾಯಿತು.
"ಅಯ್ಯವ್ವಾ!!ಈ ಹಾಲ್ಮನೆ ಕಲ್ಲು ನನ್ ಬೀಲ್ಸುದ್ದು ಅಲ್ದೆ ನನ್ನ ಹಲ್ಲು ವೋದ್ವಲ್ಲಪ್ಪೋ!" ಎನ್ನುವಶ್ರಲ್ಲಿ ಕಣ್ಣುಗಳಿಂದ ಗಳಗಳನೆ ನೀರು ಸುರಿದವು. ಆ ನೋವಿನಲ್ಲೂ ಮಿರಮಿರನೆ ಮಿಂಚುತ್ತಿದ್ದ ಕಂಡು ಬಣ್ಣದ ಸೂಟ್ಕೇಸ್ ಒಂದು ನೀರು ತಿಮ್ಬಿದ ಕಣ್ಣುಗಳಿಗೆ ಗೋಚರಿಸಿತು.
ತಲೆಯೊಳಗೆ ನೂರಾರು ಯೋಚನೆಗಳು ಒಣದರ ಹಿಂದೊಂದರಂತೆ ಓಡಾಡಿದವು. "ಎನಿರ್ಬೋದು? ಬಾಂಬ್ ಗೀಮ್ಬ್ ಏನಾರ?" ತಕ್ಷಣ ಎದೆ "ಝಾಲ್" ಅಂತು. ಊರಮುಂದಿನ ರಾಮ ಮಂದಿರದಲ್ಲಿ ಪ್ರತಿ ಶನಿವಾರ ನೋಡುತ್ತಿದ್ದ ಟಿವಿ ಯಾ ಸಿನಿಮಾದ ಪ್ರಭಾವಗಳು ಕೆಟ್ಟ ಯೋಚೆನೆಗಳಿಗೆ ತುಪ್ಪ ಸುರಿದವು.( ನಮ್ಮೂರಿನಲ್ಲಿ ಆ ೧೯೮೦ ರ ಕಾಲದಲ್ಲಿದ್ದ ೨ ಸಾರ್ವಜನಿಕ ಟಿವಿ ಗಳಲ್ಲಿ ಅದೂ ಒಂದು). " ಅಥ್ವಾ ಯಾವ್ದಾದ್ರು ಮಗಾ ಗಿಗಾ ಒಡೆದು ಹಾಕಿದ್ದರೋ ? ಏನೋ?" ಇತ್ಯಾದಿ..ಇತ್ಯಾದಿ...ಯೋಚನೆಗಳು ಸುಲಿಯುವಷ್ಟರಲ್ಲಿ ರಸ್ತೆಯಲ್ಲಿದ್ದ ಸ್ಕೂಟರ್ ಹೋಗೆ ಸರಿದು ರಸ್ತೆ ತಿಳಿಯಾಗಿತ್ತು,ಹಾಗೆ ಸಂನತಾಯಮ್ಮನ ಮನಸ್ಸೂ ಸಹ.....
ಇದರ ಮದ್ಯೆ ಮಿಂಚಿನಂತೆ ಒಂದು ಒಳ್ಳೆಯ ಯೋಚನೆ " ಕಾಸು ಒಡವೆ ಏನಾರ?!!". ಹಾಗನಿಸಿದ್ದೆ ತಡ ಸುತ್ತ ಮುತ್ತ ಯಾರಾದರು ಕಾಣುತ್ತಾರೋ ಇಲ್ಲವೊ? ಅಂತ ಅವಲೋಕಿಸಿದಳು. ಯಾರೂ ಕಾಣಲಿಲ್ಲ, ನಿರ್ಜನವಾದ ರಸ್ತೆ, ದೂರದಲ್ಲಿ ಯೆರೀ ಮೇಲೆ ಮೀಯುತ್ತಿದ್ದ ೪ ಕುರಿಗಳು ಕಾಣಿಸಿದವು. ಸೋಮೇಶ್ವರ ಗುಡಿಯ ಬಳಿ ತಮ್ಮ ಪಟ್ಟ ಪಟ್ಟಿ ಚಡ್ಡಿ ಕಾಣುವ ಹಾಗೆ ಒಂದು ಕೈಯಲ್ಲಿ ಪಂಚೆ ಮೇಲೆತ್ತಿ,ಮತ್ತೊಂದು ಕೈಯಲ್ಲಿ ತಮ್ಮ ಜೋಡು ಹಿಡಿದು ತೆವರಿಯ ಮೇಲೆ ಸರ್ಕಸ್ ಮಾಡುತ್ತಿದ್ದ ಶಾನುಭೋಗರಿಗೆ ಇವಳನ್ನು ನೋಡುವಷ್ಟು ದೃಷ್ಟಿ ಸರಿಯಿರಲಿಲ್ಲ.
ಎಲ್ಲವೂ ಸರಿ ಎಂದು ತಿಳಿದ ತಕ್ಷಣ ತನ್ನ ಹಲ್ಲಿನ ಯೋಚನೆ ಮರೆತು ತನ್ನ ಒದ್ದೆಯಾದ ಹಳದಿ ಸೀರೆಯನ್ನು ಕಣಕಾಲವರಗೆ ಮೇಲೆತ್ತಿ ಒಂದೇ ಕುಪ್ಪಗೆ ತಾನು ಬಟ್ಟೆ ಒಗೆಯುತ್ತಿದ್ದ ತೂಬಿನ ಗುಂಡಿ ತಲುಪಿದಳು. ಅರ್ದಂಬರ್ದ ಒಗೆದಿದ್ದ ಬಟ್ಟೆಗಳನ್ನು ತೆಗೆದು ಮನ್ಕರಿಯಲ್ಲಿ ಹಾಕುವ ಮುನ್ನ ಕೆಳಗೆ ಸೂಟ್ಕೇಸ್ ಇಡುವುದು ಮರೆಯಲಿಲ್ಲ. "ಯಾರಾದರು ಹಲ್ಲುಗಳನ್ನು ನೋಡಿದರೆ" ಅಂದುಕೊಂಡು ಕೆರೆಯ ನೀರಿನಲ್ಲಿ ಬಾಯಿ ಮುಕ್ಕಳಿಸಿ, ತಲೆಯಮೇಲೆ ಮಂಕರಿ ಹಿಡಿದು, ತನ್ನ ಓದಿದ ತುಟಿಗಳನ್ನು ಎಡಗೈ ಸರಗಿಂದ ಮುಚ್ಚಿ ಬಿರ ಬಿರನೆ ಮನೆಯಕದೆಗೆ ಹೆಜ್ಜೆ ಹಾಕಿದಳು.
ಅವಳು ನಡಿಯುತ್ತಿದ್ದ ಬಿರುಸಿಗೆ ಸುತ್ತ ಮುತ್ತಲಿದ್ದ ಒಣಗಿದ ಎಲೆಗಳು ಕಸ ಕಡ್ಡಿ ಗಳು ಅವಳನ್ನೇ ಹಿಮ್ಬಾಲಿಸುತ್ತಿದ್ದದ್ದು ಅವಳಿಗೆ ತಿಳಿದಿಲ್ಲ. ರಸ್ತೆಯಲ್ಲಿ ಓಡಾಡುವವರು ಇವಳ ಬಿರುಸು ನೋಡಿ "ಓಹೋ,ಸಣ್ಣ ತಾಯಮ್ಮನ ಮನೆಯಲ್ಲಿ ಯಾರಿಗೋ ಏನೋ ಆಗಿರಬಹುದು" ಎಂದು ಶಂಕಿಸಿದರು. ಕೂಡಲೇ ತನ್ನ ವೇಗವನ್ನು ತಗ್ಗಿಸಿದರೂ ಮನದಲ್ಲಿ ಸೂಟ್ಕೇಸ್ ನ ಮಂದಿಗೆ ತಿನ್ನುವುದು ನಿಂತಿರಲಿಲ್ಲ.
ಹಾಗು ಹೀಗೂ ಮನೆ ತಲುಪಿ, ದಡಾರ್ !! ಎಂದು ಬಾಗಿ ತೆಗೆದು, ಮತ್ತೆ ಬಾಗಿ ಮುಚ್ಚಿ, ಬಟ್ಟೆಗಳನ್ನು ಕೆಳಗೆ ಹಾಕಿ ಸೂಟ್ಕೇಸ್ ಕೈಗೆ ತೆಗೆದುಕೊಂಡಳು. ಆದರೆ ಅದನ್ನಿ ತೆಗೆಯುವುದು ಹೀಹೆಂದು ತಿಳಿಯಲಿಲ್ಲ. " ಅವ್ವಾ, ಅವ್ವಾ!" ಎಂಬ ಮಗನ ಕೂಗು. ಸೂಟ್ಕೇಸ್ ಅಲ್ಲೇ ಬಿಟ್ಟು ಬಾಗಿಲು ತೆಗೆದು ಮಗ ಒಳ ಬಂದಮೇಲೆ ಮತ್ತೆ ಬಾಗಿಲು ಬದ್ರಪಡಿಸಿ ೮ ವರ್ಷದ ಮಗನಿಗೆ ಸೂಟ್ಕೇಸ್ ತೋರಿಸಿ ಅದನ್ನು " ತಗಿ ನೋಡವ?" ಎಂದಳು. ಸ್ಕೂಲ್ನಲ್ಲಿ, ಇನ್ಸ್ಪೆಕ್ಟರ್ ಬಂದಾಗ ಇದೆ ತರಹದ ಸೂಟ್ಕೇಸ್ ತಂದಿದ್ದು, ಅದನ್ನು ಹೀಗೆ ತಗೆದರು? ಎಂಬುದನ್ನೂ ತಿಳಿದೀದ್ದ ಲೋಕೆಶನಿಗೆ ತಗೆಯುವುದು ಕಷ್ಟವಾಗಲಿಲ್ಲ. ಅವನು ಅದನ್ನು ತಗೆಯುತ್ತಿರುವಾಗಲೇ ಅದರಲ್ಲಿನ ದುಡ್ಡು ತೆಗೆದು, ಮಗಳ ಮಾಡುವೆ ಮಾಡಿ, ಮಗನಿಗೆ ಊರಮುಂದೆ ನಿಂಗಣ್ಣನ ಅಂಗಡಿ ಪಕ್ಕದಲ್ಲೊಂದು ಅಂಗಡಿ ಮಾಡಿಕೊಟ್ಟಂತೆ, ತನ್ನ ಗಂಡ ಮೈಕ್ ನಾಗಣ್ಣ ನ ಬಳಿಯಿದ್ದ "ಹೀರೋ ಹೋಂಡ" ಗಾಡಿ ಕೊಂಡು ಕೊಂಡು, ಓದಿಸಿಬಂದಂತೆ ಕನಸು ಕಾನುತ್ತಿರುಆಗಲೇ " ಅಯ್ಯೋ ನಿನ್ನ ! ನಿಂಗ್ಯಕವ್ವ ಇಂತಾ ಬುದ್ದಿ ಬಂತು ! ಇದ್ನ್ಯರಾರ ಮನೆಯೋಳಕೆ ತಂದಾರೆ?" ಎಂದಾಗಲೇ ಇಹಲೋಕಕ್ಕೆ ಅವಳು ಬಂದದ್ದು, ಅದರೊಳಗಿನ ಹೊಸ ಹೊಸ "ಶೇವಿಂಗ್ ಬ್ಲೇಡ್ , ಹೊಸ ಚಾಕು, ಶೇವಿಂಗ್ ಬ್ರಶ್, ಇತ್ಯಾದಿ, ಇತ್ಯಾದಿ....... ಭಜಂತ್ರಿ ಸಾಮಗ್ರಿಗಳನ್ನು " ನೋಡಿದ ಮೇಲೆ ತನ್ನ ಕನಸುಗಳಿಗೆ ಯಾರೋ ಪಿನ್ನ ಚುಚ್ಚಿದಂತಾಯ್ತು. ಜೊತೆಗೆ ತನ್ನ ಮಗನ "ದಂಗೂರದಿಂದ " ಊರೊಳಗೆ "ಸಣ್ಣ ತಾಯಮ್ಮನಿಗೆ ಸೂಟ್ಕೇಸ್ ಸಿಕ್ಕಿದ್ದು" ಹಾಸ್ಯದ ವಸ್ತುವಾಗಿ ಕುಶಿಪದುವಂತಾಯಿತು.