ಏನೋ ಒಂಥರಾ ..ಆ ....ಆ

ತುಂಬಾ ದಿನಗಳ ನಂತರ ಬರೆಯಲು ಕುಳಿತರೆ ನಿಜಕ್ಕೂ ಏನೋ ಒಂಥರಾ ಆಗೋದು ಯರ್ರಿಗಾದ್ರೂ ಸಹಜವೇ. ಇರಲಿ ಪಿಟೀಲು ಕುಯ್ಯುವುದು ಬಿಟ್ಟು ಈ ಏನೋಒಂಥರಾ ದ ಬಗ್ಗೆ ಮಾತನಾಡೋಣ. ಏನೋ ಒಂಥರಾ ಎನ್ನುವುದು ಎಲ್ಲರಿಗು ವಕ್ಕರಿಸುವ ರೋಗವೂ ಹೌದು, ಕೆಲ ವೇಳೆ ವರದಾನವೂ ಹೌದು. ಬೆಳ್ಳಂಬೆಳಗ್ಗೆ ಕೊರೆಯುವ ಚಳಿಯ ಸುಖನಿದ್ರೆಯ ಸಮಯದಲ್ಲಿ ಮಡದಿ ಸಮಯದ ಸುಪ್ರಭಾತ ಹಾಡುತ್ತಾ ಕಾಫಿಯ ಕಪ್ಪಿಡಿದು ಹೊದ್ದಿದ್ದ ಹೊದಿಕೆಯ ಸರಿಸಿದರೆ "ಇವಳ್ಯಾಕೆ ಯಾವಾಗಲು ಏನೋ ಒಂಥರಾ ?" ಅನಿಸದಿರದು. ಆಕೆ ಆ ರೀತಿ ಎಬ್ಬಿಸಿದ ದಿನ ಪೂರ್ತಿ "ಏನೋ ಒಂಥರಾ " ದ ಎಫ್ಫೆಕ್ಟು ಆಫೀಸಿನಲ್ಲಿ, ಸಹೋದ್ಯೋಗಿಗಳೊಡನೆ , ಕಾಫಿ ತರುವ ಜವಾನನೊಂದಿಗೆ, ಟೇಬಲ್ ಮೇಲಿನ ಫೈಲೇ ಗಳೊಡನೆ, ಬೇಗನೆ ಸ್ಟಾರ್ಟ್ ಆಗದ ಸ್ಕೂಟರ್ ನೊಡನೆ ಇತ್ಯಾದಿ ಇತ್ಯಾದಿಗಲೊಡನೆ ದಿನವೆಲ್ಲಾ "ಏನೋ ಒಂಥರಾ "
ಇನ್ನು ಉಪಯೋಗದ ಮಾತಿಗೆ ಬಂದರೆ ಯಾರದರೂ ಏನಾದ್ರು ಕೆಲಸ ಹೇಳಿದ್ರೆ ಇವತ್ತು ನನ್ಕೈಲಿ ಮಾಡಕ್ಕಾಗಲ್ಲ ಯಾಕಂದ್ರೆ "ಏನೋ ಒಂಥರಾ " ಎಂದು ಹೇಳಿ ತಪ್ಪಿಸಿಕೊಳ್ಳಬಹುದು.
ಹಾಗಾಗಿ ಇವತ್ತು ನನಗೆ ಬರಿಯುವುದಕ್ಕೆ "ಏನೋ ಒಂಥರಾ "